Малку сварен кускус, спанаќ, бадеми, фета сирење и уште неколку намирници ќе ви ја дадат оваа вкусна и здрава салата.
Доколку се случи да огладнете навечер, а не сакате да го преоптоварите стомакот, оваа салата со кускус и уште неколку здрави намирници е вистинскиот избор за вас.
Состојки:
маслиново масло
две шолји сварен кускус
грст спанаќ
половина шолја бадеми
две поголеми круши
150 гр фета сирење
сок од половина лимон
сол, бибер
Подготовка:
Кускусот измешајте го со малку маслиново масло, сол и бибер, па ставете го во сад. Додадете спанаќ, грубо сечкани бадеми, сечкани круши и фета исечена на коцки. Посипете со маслиново масло и сок од лимон, измешајте и послужете веднаш.