Иако топлите месеци од годината традиционално се резервирани за впечатливи бои и дезени, класиката е секогаш ценета. Така е и со црните сандали кои секогаш изгледаат елегантно во стајлингот.
Бројни брендови се погрижија оваа сезона да не недостигаат интересни верзии на црни сандали – секогаш профитабилна инвестиција бидејќи лесно можете да ги комбинирате со еден куп парчиња облека.
Без разлика на бојата, тие претставуваат еден од наједноставните стилски трикови во подигањето на летниот стајлинг. Без разлика дали се работи за удобни опции со широк ѓон или оние со тенка потпетица, тие го збогатуваат секој стајлинг, а тоа особено се однесува на сандалите во црна боја.
Еден од најголемите трендови оваа сезона станаа сандалите со крената мала потпетица, бидејќи ги даваат потребните сантиметри без губење на удобноста, но и даваат кул впечаток на стајлингот, како што е случајот со „грдите“ велкро модели, оние кои ја истакнуваат спортската естетика.
