“Помалку е повеќе”
Облеката не го прави човекот, но може да каже многу за него. Изборот на облека може да направи да изгледаме многу елегантно, а од друга страна да изгледаме многу „евтино“ во истата.
Најстрогата модна критичарка Ана Винтур укажа на јасно правило кое сите треба да го почитуваме за да не паднеме во замката и да изгледаме одвратно. Сепак, со само неколку правила, секоја комбинација можете да ја подигнете на следното ниво и да изгледате елегантно во секоја прилика.
Носење соодветна облека
Ова е едно од најважните правила, а се сведува на пронаоѓање облека и стилови кои одговараат на обликот на нашето тело. Модните експерти предлагаат да ги користите услугите на кројач доколку сами не можете да ја прилагодите силуетата на одредени парчиња облека.
Облеката со големи димензии може да се прилагоди со разни ремени, а ќе изгледа многу модерно и лежерно. Исто така, треба да избегнувате премногу тесна облека бидејќи го истакнува секој дел од телото, особено ако имате прекумерна тежина.
Накит
Накитот секоја комбинација ја издигнува на повисоко ниво, но дефинитивно не треба да претерувате. Доколку не сте сигурни во изборот на накит, водете се од слоганот: „Помалку е повеќе“, што би значело дека подискретниот накит изгледа многу поелегантно.
Инвестирање во добри обувки
Добрите обувки се повеќе од половина завршена работа, па затоа не треба да жалите кога станува збор за истите. Покрај тоа, тие се многу исплатлива инвестиција бидејќи можеме да ги носиме многу години, особено ако се квалитетни.
Црна боја
Достапните парчиња во темни бои, особено црна, во повеќето случаи изгледаат многу подобро од сличните парчиња во посветла палета на бои бидејќи помалите недостатоци се помалку забележливи.
Погрижете се за состојбата на вашата облека
Излитените чевли, лабавите нитни, копчињата на џемперот или дамките на панталоните нема да му дадат скап изглед на ниеден стајлинг. Погрижете се сè што носите да изгледа чисто и да биде во добра состојба за да не изгледате евтино.
Пеглањето е задолжително
Внимавајте работите што ги носите да бидат секогаш испеглани, па ќе изгледате уредно.
Соодветна долна облека
Комбинациите во кои ѕирка градникот или гаќички под маичката и панталоните никогаш нема да направат да изгледате скапо, затоа погрижете се силуетата на аутфитот да не ја „узурпира“ она што го носите одоздола.