Јајцата се незаменлив дел од велигденската традиција. Тие, меѓу другото, се дел од прехранбената корпа што верниците ја носат на благослов на Велика Сабота или рано на самиот Велигден и се првото јадење што семејството го јаде тој ден.
Во деновите пред Велигден се бојадисуваат и украсуваат јајцата, а така украсени се нарекуваат велигденски јајца.
А дали некогаш сте се запрашале зошто јајцето е симбол на Велигден?
Целата приказна всушност може да се сведе на – нов живот и верување дека Исус го започнал вечниот живот со своето воскресение.
Имено, јајцата отсекогаш симболизирале нов живот, раѓање, плодност, изобилство и пролет, а старите Египќани, Персијци, Грци и Римјани си давале јајца како симбол на новиот живот кој пристигнува по зимата.
Оваа симболика на повторното раѓање е идеално прилагодена на празникот Велигден, кога христијаните го слават воскресението на Исус, односно новиот живот.
Боење јајца во сабота на Велигден и нивно носење на осветување е обичај кој започнал уште во 12 век, а неколку века подоцна започнал и обичајот за криење јајца во дворот.
Инаку, при бојадисувањето на јајцата секоја боја има свое значење, па црвената може да ја симболизира Христовата страст, белата чистота, сината вистина, зелената плодност…