За ова одлично јадење ќе бидат доволни малку брашно, лук во прав, пилешко филе и уште неколку состојки.
Доколку сте љубители на крцкаво пилешко, овие нагетси се вистинската работа за вас.
Состојки:
половина чаша брашно
една лажичка лук во прав
800 гр пилешко филе
шолја презла
две јајца
сол, бибер, масло
Подготовка:
Измешајте го брашното со лукот во прав и лажичка сол. Исечете го пилешкото на парчиња со големина на залак и извалкајте ги во брашното. Јајцата изматете ги со лажица вода, потопете го месото, па исвалкајте го во презлата. Пржете на врело масло додека нагетсите не поруменат од сите страни.
Пријатно!