Според статистичките податоци, недостатокот на железо во организмот е проблем со кој се среќаваат дури 30-40% од населението на нашиот континент. Тоа може да биде предизвикано од различни фактори, од навики во исхраната до хронични болести.
Железото е многу важен минерал кој му е потребен на човечкото тело од многу причини.
– Железото е од клучно значење, бидејќи е клучна компонента на црвените крвни зрнца и, ако има малку железо во телото, капацитетот за пренос на кислород ќе се намали – вели нутриционистката Јулијана Хевер.
Анемијата е честа појава кај жените, особено за време на бременост и доење. Всушност, на луѓето ширум светот најчесто токму тоа им недостига, а погодува околу милијарда луѓе. Жените на возраст од 19 до 50 години треба да консумираат 18 mg железо секој ден, а на трудниците им е потребно двојно повеќе.
Доколку имате ниско ниво на железо во крвта, треба да го зголемите внесот на храна како црвено месо, грав, јаткасти плодови, суво овошје, цвекло, коприва, капини.
Симптоми кои може да укажуваат на ниско ниво на железо во крвта: хроничен замор, постојано чувство на студ, бледа кожа. главоболка, отежнато дишење, палпитации, сува коса и кожа, кршливи нокти, немирни нозе.
Постојат три главни причини за ниско ниво на железо во крвта: загуба на крв, недоволно внесување на храна богата со овој минерал и проблеми со апсорпцијата на железо.