Личноста овде е од клучна важност
Гуруто за запознавање открива какви мажи не сакаат жените – дури и ако се многу привлечни однадвор. Писателката Јана Хокинг од Австралија објасни зошто жените не сакаат мажи со одреден тип на личност, дури и ако се неверојатно згодни.
Таа објасни дека жените не сакаат да бидат во врска со тип кој е „проклето прекрасен“, но „ужасно блуткав“, односно благ. Тоа се момци кои знаат да бидат многу привлечни, но без интересна личност.
Јана во минатото се забавувала со таков тип, но не се чувствувала исполнето во врската.
– Згрешив што избирав такви момци… Да објаснам, беше многу убав. Широки рамења, големо тело на рагбист и мажествено лице. Но, би загризала, метафорично, во неговата личност и би открила дека е површен – истакнува.
Необавезната љубовна врска брзо пропаднала и Јана почнала да се гледа со некој сосема поинаков. Бил помалку „конвенционално“ привлечен бидејќи бил малку постар, понизок и малку како „татко“.
Си одговарале еден на друг, меѓусебно им се допаднале карактерите и поврзаноста што ја имале.
– Сфатив дека сакам да го импресионирам и колку повеќе ми се отвораше за неговиот живот, толку повеќе сакав да знам за него. Тој беше авантурист кој имаше различни кариери, сакаше патување и литература. Начинот на кој неговите очи светкаа кога возбудено зборуваше на некоја тема ќе ме натера да посакам да се соблечам и да скокнам директно во кревет со него, објасни таа.
Јана е свесна дека секој понекогаш може да биде „проклето убав“. Иако е лесно да се заљубите во некого на првиот состанок, сепак разговорот и личноста треба да бидат приоритет.
– Иако е прилично лесно да се биде атрактивен, со ботокс, теретана и сето тоа, мислам дека сепак е важно да се погрижиме да работиме исто толку напорно на нашата личност – истакна Јана.