Eдна од најубавите холивудски актерки Салма Хајек на својот Инстаграм профил објави фотографија на која се гледа како позира во црвениот фустан што го носеше на овогодинешната Мет Гала, но нејзиниот моден избор ги разочара следбениците и предизвика бројни негативни реакции.
„Преевтино и вулгарно“, „Има пари, но никогаш немала стил“, „Изгледа преевтино“, „Има тело на божица и стил на жена што носи најевтини работи“, „Зошто конечно не најми некој да ја научи малку за облекување и мода?“, „Не разочара“, се само дел од коментарите под нејзината објава.
Инаку, актерката неодамна зборуваше за тоа како на почетокот на кариерата не можела да добие никакви улоги во комедии бидејќи во холивудските кругови важела за сексапил и „не смеела да биде смешна“.
„Цел живот сакав да се занимавам со комедија, а луѓето не ми дозволуваа. Ми рекоа: „Секси си, па не можеш да бидеш смешна“. Не само што не требаше да бидете паметни, туку не требаше да бидете ни смешни во деведесеттите“, рекла таа во интервју за GQ.