Сладоледот од лубеница е освежителен и во исто време здрава замена кога сте очајни по нешто слатко. Во овој едноставен рецепт може да уживате цело лето.
Состојки:
700 гр лубеница, исчистена
лимон или лимета
250 мл грчки јогурт
една лажица мед
половина лажичка екстракт од ванила
рендано чоколадо по желба
Подготовка:
Лубеницата исчистете ја од семките, исечете ја на помали коцки, па распоредете ја на тава обложена со хартија. Ставете ја во замрзнувач најмалку три часа. После тоа време, извадете ја лубеницата и замрзнатите коцки ставете ги во блендер. Блендирајте додека не добиете глатка смеса. Потоа додадете го сокот од лимон или лимета, медот и јогуртот, па блендирајте уште малку. На крај додадете малку екстракт од ванила. Добиената смеса префрлете ја во поголем сад и вратете ја во замрзнувач два до три часа. Извадете ги топчињата сладолед и по желба посипете ги со малку рендано темно чоколадо.
Уживајте!