Соништата знаат да бидат убави, релаксирачки, но има и такви кои толку многу не заморуваат што не можеме да функционираме и неколку часа по будењето. Често, кога имаме стресен период, нашите соништа можат да бидат многу исцрпувачки бидејќи ги содржат сите стравови со кои се бориме во текот на денот.
Понекогаш сонуваме за работи кои можат да не загрижат, а кои на почетокот не можеме да ги поврземе со настаните што ги доживуваме. Некои се толку трауматични што во текот на ноќта се будиме испотени и со забрзан пулс. Експертите имаат објаснување за ваквите појави. Еден од честите соништа што многу луѓе го имале е оној во кој сонуваме дека ја губиме косата.
– Да сонувате дека косата ви опаѓа укажува на губење контрола во животот – вели Адора Вајинкуист, аналитичарка на соништата.
Во нејзината анализа таа предлага да размислите за вашиот живот и за настаните што ви се случиле неодамна. Откако ќе процените која е ситуацијата што ве мачи, а во која чувствувате дека губите контрола, обидете се да ја решите. Таа додава дека е важен начинот на кој „останувате без влакна“ во сон.
– Во зависност од контекстот на сонот, опаѓањето на косата може да укаже дека ги отфрлате старите идеи или верувања. Тоа може да значи и дека сте останале без идеи или дека не знаете како да постапите или да продолжите со одредена ситуација – рече Лори Ловенберг, друга аналитичарка на соништата, додавајќи дека таквите соништа покажуваат и крстопат каде што треба да направиме одлука и одлучете на која страна да застанете. Бојата на косата исто така игра значајна улога.
На пример, ако вашите прамени се посветла боја во сон отколку во реалниот живот, тоа може да значи дека вашиот начин на размислување се осветлува, можеби се чувствувате просветлени или имате паметна идеја. Ако во сон се гледате како ја потстрижувате косата, тоа може да значи дека сте ги скратиле плановите или можеби сте се премислиле за нешто. Иако може да биде вознемирувачко да се замисли дека ви опаѓа косата, тоа би можело да биде начин на вашиот ум да ве предупреди за други грижи со кои можеби не сте подготвени да се соочите.