Сопругот на поп иконата Бритни Спирс, моделот Сем Ашгари, е обвинет од нејзините обожаватели дека ја контролира славната пејачка.
Имено, манекенот веднаш се огласил и ги отфрлил овие тврдења, наведувајќи дека не ни контролира што таа ќе вечера, пренесува „TMZ“.
Тој додаде дека разбира зошто се појавуваат такви тврдења.
– Знаете, многу работи се случија во нејзиното минато, па разбирам од каде доаѓаат овие обвинувања – истакнува тој, алудирајќи на нејзините фанови и додава:
– Тие само се обидуваат да ја заштитат. Ако ништо друго, тие се добри обожаватели – додаде 28-годишниот манекен.
Да потсетиме дека Спирс и Ашгари се венчаа во домот на пејачката во Калифорнија во јуни, осум месеци откако ѝ беше прекинато контроверзното старателство.