Здраво и вкусно
Доколку сте во 50-тите и сакате да ослабете или да ја одржите моменталната фигура, важно е да имате здрава и урамнотежена исхрана, но посебно да внимавате на појадокот.
Јајца
Една од најчестите намирници за појадок, јајцата се одличен начин да го започнете денот на здрав начин! „Јајцата содржат протеини и масти, кои помагаат да се намали вашиот апетит наутро, а можеби и во текот на денот. Истражувањата сугерираат дека оние кои јадат 25 до 30 грама протеини наутро често се задоволуваат со помалку подоцна во текот на денот. Комбинирајте ги јајцата со јаглени хидрати и со влакна, како што се тост од цело зрно или овес, за добро заокружен појадок“, вели Ејми Гудсон, нутриционистка.
Грчки јогурт
Грчкиот јогурт е една од поздравите опции на јогурт на полиците на продавниците бидејќи обично доаѓа со повеќе протеини и помалку додаден шеќер. „Високата содржина на протеини, обезбедува околу 14 до 18 грама протеини на 170 грама, во зависност од брендот. Исто така, содржи калциум и пробиотици, кои се неопходни за оптимално здравје. Јадете го грчкиот јогурт цели зрна и имате појадок полн со протеини“, вели Гудсон.
Овесна каша и протеин од сурутка
Овесните снегулки обезбедуваат влакна кои можат да ве одржат сити подолго време, имаат корисен ефект врз варењето, па дури и го подобруваат здравјето на срцето. Исто така, оваа одлична храна е важна за губење на несаканите килограми. „Јас цврсто верувам во постигнувањето на вашите дневни протеински цели. Ако сакате да ги намалите мастите од стомакот, тогаш внесувањето доволно протеини е многу важно за вашиот успех“, вели Кортни Д’Анџело, нутриционистка. „Протеините имаат многу здравствени придобивки, а една од нив е тоа што ви помагаат да изгубите маснотии и да изградите мускули. Овесот е богат со растителни влакна, кои ќе го регулираат варењето и ќе ве одржат сити подолго, што пак ќе ве спречи од прејадување во текот на денот“.
Путер од кикирики
Само путерот од јаткасти плодови не би бил доволен за појадок, но може да биде одличен додаток на многу видови оброци. „Додавањето природни путери од јаткасти плодови на тост, овесна каша или корнфлекс може да додаде некои здрави масти и растителни протеини кои можат да ви помогнат да бидете сити, што може да ви помогне да се изборите со гладот и да јадете помалку калории на долг рок“, вели Лорен Манакер нутриционист и автор на книги за здрава исхрана.
Зелен чај
Напиток полн со здравствени придобивки, вклучително и контрола на тежината.
„Конзумирањето зелен чај може да биде убав додаток на вашиот појадок. Се додека не се додаваат калорични засладувачи, зелениот чај може да го поддржи управувањето со тежината благодарение на природните соединенија што ги содржи“, вели Манакер. Исто така, зелениот чај содржи антиоксиданси, па затоа е одличен за процесот на детоксикација.