Обожавателка на тапанарот на групата „Блинк-182“ со автомобил влетала во неговиот дом, по што тврдела дека сопругот Кортни Кардашијан самиот ја поканил кај него дома.
Полудената обожавателка на сопругот на Кортни Кардашијан и тапанарот на Blink-182, Тревис Баркер, била уапсена откако таа го „возела својот автомобил низ безбедносната врата“ во обид да го запознае, потврди неговиот претставник за Page Six.
Осомничената жена е приведена во петокот поради „неовластен упад“. Според „ТМЗ“, кој прв го објави инцидентот, жената неколку пати се обидела да пристапи до затворениот имот на познатиот тапанар во Лос Анџелес.
Според медиуми, таа најмалку четири пати се обидела да стигне до неговиот дом, наводно тврдејќи дека преку социјалните мрежи ја поканил на гости, но секој пат ѝ одбивале влез. Жената на крајот ги презела работите во свои раце и го возела автомобилот низ предната ограда. Таа на крајот беше пресретната од приватното обезбедување на Баркер и задржана додека не дојде полицијата.