За да траат што подолго, мора да ги чистите на одредени начини, приспособени на материјалот од кој се направени овие предмети.
Доколку мислите дека е време да ја префарбате столаријата бидејќи имате впечаток дека насобраната нечистотија не може да се измие, почекајте уште малку. Рамките на прозорците, како и столаријата, ќе изгледаат како нови кога ќе го искористите овој трик.
Проблемот се влошува ако во просторијата се пуши – чадот од тутунот може да додаде иритирачка жолта нијанса на сè во станот. Многумина стравуваат дека средството за чистење ќе ја отстрани и бојата. Затоа, треба да се исчистат со природна смеса со додавање на мала количина детергент за миење садови, за да се избегне оштетување.
Измешајте 5 литри алкохолен оцет, две лажици есенцијално масло од лаванда, половина лажичка сода бикарбона, ситно сечкана кора од пет лимони и 5 капки детергент за садови. Откако ќе измешате сè, оставете го да отстои пет дена, а потоа исцедете дел од растворот во шише со распрскувач. Нанесете го производот на извалканата површина, а потоа исчистете ја со помеката страна на сунѓерчето. Доколку се работи за упорни дамки, можете да ја користите и абразивната страна на сунѓерот, внимавајќи движењата да не бидат премногу агресивни.
Натопете мека крпа во млака вода и добро исцедете ја, а потоа измијте ја површината со неа. Ќе ги забележите ефектите – столаријата и прозорските рамки ќе бидат како нови.