На пример, можеби ќе ви се допадне кога вашето момче ве нарекува „маче“, „сонце“, „љубов“… но сигурни сме дека има и такви на кои баш и не им се допаѓаат ваквите прекари. Истото важи и за навиките
Се разбира, кој не сака да има средено и дотерано момче до себе. Но, да направиме разлика помеѓу средување и опседнување со својот изглед. За да се спреми му требаат саати, се треба да биде „под конец“, испеглано „на шав“… Дури и кога сте се одлучиле за домашна „собиранка“, нешто баш и не му се допаѓа кога ќе се потпрете на него и слично затоа што ќе му го изгужвате дуксерот…
Значи, овој тип на прекумерни метросексуалци е големо не-не според мислењето на повеќето жени.
Интимни фотографии во инбокс
Неверојатно е во 21 век некој да мисли дека на вакви фотографии ќе реагираме со „ммм баш она што го сакав, ожени се со мене, сакам да ти родам деца“. Апсолутно не. Но, да речеме уште еднаш – не, вашите фотографии од пенис нема да нè натераат да имаме секси фантазии, ниту ќе „паднеме“ на вас само затоа што сте ни ја покажале вашата „гордост“.
Модни промашувања
Белите чорапи со чевли не се и никогаш нема да бидат ок, како и маичките на кои пишува „Јас не сум гинеколог, но можам да погледнам…“
Се разбира, тоа не значи дека очекуваме да се појавите на состанок како штотуку да сте дошле од модната недела во Милано, но не е дека се очекува да се појавите и како да одите во забавиште.
Морничави „секси“ разговори
Го знаете она: „Нешто не е во ред со мојот телефон, го немам твојот број“, „Душо, подобро да носам ракавици затоа што си е жешка“, „Има ли крадци во твоето семејство? Некој ги украл ѕвездите и ти ги ставил во очи“, „Болеше ли кога падна од небо, ангелу“, „Сигурно си уморна, бидејќи цела ноќ ми шеташе низ мислите“… можеме вака до утре, бидејќи листата на најлоши воведни реченици е речиси бескрајна, и навистина, има ли нешто да се додаде на темата?
Непристојност
Да, добрата стара непристојност. Без разлика дали е арогантен кон келнерот или има изливи на гнев додека вози и слично, ваквото нешто е одбивно за повеќето дами.
Овде списокот веќе се проширува, но комотно би можеле да го додадеме следново: не ја слушате партнерката кога зборува, не користите дезодоранс, постојано ја прекинувате, секогаш доцните, не умеете да кажете шега, ја губите главата ако таа само погледне некој друг маж, им давате чудни имиња на нејзините интимни делови, твојот збор мора секогаш да биде последен и на крајот и кажуваш дека е „не како другите жени“.