Старото добро цвекло со причина се нарекува една од најздравите намирници во светот. Полно е со железо, што го прави одличен за анемични луѓе. Тоа е нискокалорична храна со многу влакна и добри протеини што не прави сити и ни дава енергија. Содржи и фолна киселина и витамини Б1, Б2, Б3 и Б6. Поради сето горенаведено, тој е одличен додаток во исхраната и во диетите.
За оние кои сакаат да ослабат на здрав начин, постои одличен избор на супа од цвекло која помага при слабеење. Направете услуга на вашето здравје и вклучете го во вашето мени.
Состојки:
500 мл вода
400 мл супа од пилешко или зеленчук
2 цвекло со средна големина
2 лажици јаболков оцет
1 мала лажица кисела павлака
малку сол
копар
неколку капки лимон
малку свеж рен по желба
Подготовка:
Цвеклото излупете, измијте го и исечете го на помали коцки. Потоа ставете го во сад со вода, посолете го и ставете го да зоврие. Гответе го цвеклото околу 25 минути или додека не омекне, односно додека не можете лесно да поминете со нож низ нив.
Загрејте ја супата од пилешко или зеленчук. Во неа додадете варено цвекло, јаболков оцет и копар, а со миксер или блендер сите состојки претворете ги во кремаста супа.
На крајот во супата додадете малку лимон и една лажица павлака, а по желба можете да изрендате и свеж рен кој одлично оди со цвеклото.