Кажете ни кој симбол прво ви „падна во очи“, а ние ќе ви кажеме каква порака се крие зад тој симбол.
Колку пати сте се запрашале што е тоа што ве издвојува од другите луѓе? Овој тест на потсвеста може да ви го даде одговорот на тоа прашање.
Добро погледнете ја илустрацијата на почетокот на текстот и запомнете што прво ви „паднало во око“. Токму зад тој симбол е потенцијално објаснување за вашата посебна моќ.
Ако прво го видовте сонцето…
Обожавате да ги движите луѓето, полни сте со иницијатива, а вашиот ентузијазам е заразен. Луѓето ве сакаат затоа што можете да ги забавувате и да ги натерате да се ослободат. Такви сте во сите сегменти од животот – во пријателските, деловните и емотивните врски.
Ако прво го видовте женскиот профил…
По природа сте голем емпат, имате силна интуиција и лесно ви е да ги декодирате туѓите чувства. Покрај тоа, на другите секогаш ќе им бидете „рамо за плачење“. Луѓето ве сакаат затоа што сте длабоко емотивни, пожртвувани и подготвени да им помогнете.
Ако прво го видевте ридот…
Амбициозни сте и упорни, за вас нема непремостливи пречки. Вашата посебна моќ што ве разликува од другите е тоа што секогаш ќе најдете сила да направите чекор повеќе, бидејќи можеби токму тој чекор може да направи разлика до голем успех.
Ако прво го забележавте машкиот профил…
Мудри сте и пред да донесете каква било одлука добро ќе размислите што треба да направите или кажете. Иако некои го третираат вашето однесување како неодлучност, свесни сте дека, како во популарната поговорка, попаметно е „трипати да се измери, па дури потоа да се сече“.
Ако прво ги видовте галебите…
Креативни сте и секогаш можете да понудите неочекувани, иновативни решенија за кои другите не би помислиле. Луѓето ве сакаат, бидејќи преку разговор со вас имаат можност да ја погледнат својата ситуација од друга перспектива и на полесен начин да ги решат постоечките проблеми.
Ако прво го забележавте бродот…
Ништо не може да ви избега. Покрај брзото „скенирање“ на поголемата слика, многу внимавате и на деталите. Луѓето се восхитуваат на вашата брза остроумност и брзи реакции.
Ако прво ја видовте раката…
Вашата посебна моќ лежи во простувањето и верувањето дека секој има добри и лоши денови и дека секогаш треба да имате разбирање за секого, затоа што се надевате дека другите ќе имаат разбирање за вас. Дури и кога другите не ви возвраќаат, вие верувате дека постои „виша сила“ која ќе ги направи работите онака како што треба да бидат.