Семејството на актерката Сидни Свини беше малку шокирано кога за прв пат ги виде сцените од серијата „Еуфорија“, која ја прослави, а нејзиниот татко и дедо не биле подготвени за тешките сцени на голотија, секс и насилство. 25-годишната актерка го откри тоа во интервју за Sunday Today кое во целост ќе се емитува оваа недела на NBC News. Згора на тоа, двајцата буквално „излегле од собата“ кога за прв пат се обиделе да ја погледнат епизодата од „Еуфорија“.
„Мама ме посети неколку пати на сетот, па знаеше за што се работи и каква е серијата, но тато не знаеше. Воопшто не го подготвив за тоа, а тој не ми кажа дека решил да ја гледа епизодата со родителите. Тато и дедо го исклучија телевизорот и излегоа“, рече Сидни, додавајќи дека нејзината баба – која таа ја опишува како голем обожавател и поддржувач – не била толку вознемирена и не го следела примерот на нејзиниот сопруг и син, можеби затоа што и таа ја посетувала Сидни во различни прилики на снимањето, па затоа била поупатена.
Младата актерка зборуваше и за огромното влијание што серијата го има врз младата публика и нејзиниот голем придонес во поп културата. „Неверојатно е, се сеќавам дека кога брат ми беше бруцош, одеше на тематски забави посветени на „Еуфорија““, рекла актерката и истакнала дека многу го сака својот лик Кеси: „Таа е прекрасен, скршен лик. Сакам да ја играм, особено во последната сезона, бидејќи беше толку луда. Како актерка, забавно ми е да имам предизвик и да играм луди ликови кои ги прават сите овие чудни животни избори. Навистина со нетрпение ја чекам третата сезона да видиме што ќе прави Кеси тогаш“.
Третата сезона на сега познатата серија беше најавена во февруари 2022 година, но оваа година не треба да се очекуваат нови епизоди. Во едно претходно интервју, Колман Доминго, кој го игра Али Мохамед во серијата, вети дека третата сезона „ќе вреди да се чека“. „Секоја епизода ја снимавме околу еден месец. Ни требаше толку долго, бидејќи има многу ситни, ситни сцени во серијата. Креаторот на шоуто Сем Левинсон е многу педантен на таков прекрасен начин“, откри Доминго.