Во случај да не сте ја гледале новата епизода од серијата „Succession“ на HBO, нема да ви го откриеме заплетот во овој текст – но од реакциите на публиката и објавените текстови лесно може да се заклучи дека серијата достигна пресврт што ќе ја промени целата динамика. Она што дефинитивно го препорачуваме е да ги гледате сите сезони, вклучително и оваа епизода, која има оцена 10 на IMDb – највисока оценка на оваа страница која досега ја имаше епизода од 2013 година од серијата „Breaking Bad“.
По цела деценија, „Succession“ го сруши рекордот со епизодата „Connor‘s Wedding“, а сите фанови сè уште „се опоравуваат“ од драматичната епизода која на малите екрани го донесе најдоброто од сценариото и актерските изведби на сите ликови. , особено Киеран Калкин кој е во улогата на Роман Рој. Серијата на Џеси Армстронг во САД имаше рекордни 2,5 милиони гледачи во неделата навечер кога се емитуваше, а со додадениот број гледачи што ја проследија серијата на платформата HBO Max, бројката е уште поголема.
Во третата епизода следиме два паралелни заплети – едниот е апсурдната венчавка на најстариот син на Логан Рој, Конор, која се случува на брод, додека во исто време главата на семејството, магнатот Логан, патува во Шведска на авион. Дејството на епизодата се случува во еден ден и не води на емотивно патување на сите членови на семејството, а по оваа не чекаат уште седум епизоди.