Отпадот од храна се случува секоја секунда во незамисливи количини низ целиот свет.
Дали причината за ова е вистинска или е само измама дека храната е лоша? Како да го искористите целиот капацитет на храната?
Ова се триковите кои можат да помогнат вашата храна да трае подолго, пишува mondaycampaigns.com.
1. Користете стаклени чинии
Кога ја чуваме храната во фрижидер или замрзнувач, обично користиме пластични чинии. Сепак, храната како што се овошјето, зеленчукот или остатоците од ручекот се покажало дека трае подолго кога се во стаклен сад со добар, цврст капак.
2. Разберете ги роковите на истекување
Датумите на истекување понекогаш знаат да бидат збунувачки и обично се првото нешто што го гледаме кога ја земаме храната од полицата на супермаркетот, што е добро. Меѓутоа, кога ќе го видиме рокот на употреба, повеќе се работи за квалитетот на храната отколку за безбедноста. Се подразбира дека не треба да чекате премногу долго, но да доцните ден-два, а понекогаш дури и три е сосема во ред со некои производи бидејќи ништо лошо нема да се случи. Прочитајте ја етикетата „најдобро пред…“, јасно кажува кога е најдобро да се јаде нешто, но не значи дека е штетно штом ќе дојде полноќ тој ден.
3. Важно е каква храна ставате во фрижидер
Ќе слушнете многу спротивставени совети за тоа која храна да се чува во фрижидер, а која да се остави на собна температура. Намирници кои не се најпогодни за фрижидер се цели домати, лубеница, компири, кромид, лук, мед и леб. Од друга страна, храната што треба да се чува во фрижидер е грозје, џемови, путер од јаткасти плодови, тортиљи, варена храна, јаболка, модар патлиџан, бобинки, брокула, моркови, целер и лиснат зеленчук.
4. Закачете ги бананите над остатокот од овошјето
Ова звучи чудно и можеби нема да се сетите на ова додека не го пробате еднаш. После тоа станува добра навика. Причината за тоа е што бананите, кога се со друго овошје, многу брзо се расипуваат или добиваат тие дамки. Тоа се спречува ако се сами.
5. Направете смути
Овошјето и зеленчукот кои веќе се омекнати ставете ги во блендер и направете одличен сок или поточно смути. Можете да си играте со комбинации на овошје и зеленчук, или да одвоите и да уживате во различни. Па, малку повеќе му го продолживте животниот век на омекнатото овошје и секако поубаво е да го пиете отколку да го јадете, кога ќе стане „кашесто“.