Седите влакна не се баш омилен „детаљ“ во косата на многу дами. Сепак, седите влакна можете да ги победите. Научете како да ги покриете на природен начин без да се фарбате.
По триесеттата година, шансите за бели влакна се зголемуваат за дури 20 проценти. Има и такви кои првите седи влакна ќе ги забележат на млада возраст. Кога ќе се случи тоа зависи од многу фактори. Еден од нив е секако генетиката.
Ако имате многу луѓе во вашето семејство кои се целосно седи или кои почнале да ги добиваат многу рано, постои голема веројатност тоа да ви се случи и вам.
Постојат различни трикови за прикривање, а ние издвоивме еден генијален предложен од Мет Њуман, популарниот њујоршки фризер. Тој советува да ги покриете со тониран гел за веѓи! Освен што ќе ги прикрие сивите влакна, гелот за веѓи визуелно ќе ја направи косата погуста.
Ако користите гел во коренот на косата, освен што визуелно ќе ја направите косата пополна и погуста, ќе ги сокриете и седите влакна. Бојата на гелот мора да одговара на остатокот од косата, за ефектот да биде што поприроден и поубедлив.