Има ли нешто подобро од свежи јагоди кога се во сезона? За жал, оваа бобинка од семејството рози многу лесно се расипува, особено ако сте купиле органски одгледани плодови.
За среќа, рокот на траење може да им се продолжи со мал трик.
Што треба да направите?
Во поголем сад измешајте половина литар обична вода со 100 милилитри оцет.
Нежно префрлете ги купените јагоди во купката со оцет и оставете ги да киснат неколку минути.
Оцетот ќе ги отстрани спорите на мувлата и бактериите од површината на јагодите, кои предизвикуваат брзо гниење на овошјето. Не грижете се, подоцна нема да го вкусите оцетот на јагодите.
Потоа префрлете ги јагодите на хартиена крпа и добро исушете ги. Колку подобро ги исушите јагодите, толку подолго ќе траат во вашиот фрижидер.
Чувајте ги во кутија по избор, во која претходно сте ставиле хартиена крпа за да ја впие преостанатата влага. На овој начин јагодите ќе останат свежи во вашиот фрижидер со денови.
Експертите советуваат и стеблото да се остави на јагодата што подолго бидејќи тоа исто така го спречува гниењето на плодот.
Ако забележите дека јагодата почнува да скапува, фрлете ја во ѓубре и спречите контаминација на целото пакување. Исто така, доколку не можете да ги потрошите сите јагоди што сте ги купиле во посакуваниот рок, замрзнете ги и употребете ги при подготовка на разни смути и други десерти.