Трендовите во светот на шминката се менуваат, но експертите потсетуваат дека и покрај модата, најдобро е да го носиме она што ни одговара нам. Карминот може целосно да го промени вашиот изглед, но и визуелно да „додаде“ години. Шминкерите предупредуваат за боите на кармин кои треба да ги избегнуваме доколку не сакаме да изгледаме постари, колку и да се во тренд.
Ледено кафеава
Уште во 90-тите оваа нијанса беше една од најпопуларните, но најмногу кај жените над 40 години. Меѓутоа, денес оваа нијанса, освен ако не одите на тематска забава, се смета за вистински грев. Дури и девојките со топли тонови на кожа не би требало да го носат овој кармин, бидејќи оваа нијанса ќе ви даде „болен“ изглед.
Белузлаво розова
Бледо розев кармин со метален сјај беше во комплетот на секоја девојка помлада од 25 години. Сепак, шминкерите тврдат дека оваа боја апсолутно никому не одговара, а освен што ќе додаде години, секоја шминка ќе ја направи невкусна. За среќа, во одреден момент, жените сфатија дека оваа нијанса, во принцип, никому не одговара и ја напуштија.
Темно виолетова
Трендот на бордо и темни нијанси на бојата на слива обично се поврзува со есен и зима.Сепак, експертите сега советуваат да се даде предност на светлите бои, на пример, класичната црвена или богата корална, бидејќи премногу темните нијанси визуелно ги стеснуваат усните, што е многу лошо ако усните веќе не се многу полни. Жените постари од 40 години генерално треба да избегнуваат темни кармини, бидејќи со овој козметички производ ќе си додадете непотребни неколку години.