Благодарение на колекциите прикажани на модните писти, се предвидуваат трендовите за одреден период. Така, благодарение на виденото на ревиите за пролет/лето 2023 година, модните експерти ги издвоија моделите на чанти кои ќе се носат во годината што претстои.
Веќе пишувавме дека според прогнозите на магазинот Vogue, металик чантите ќе доминираат во модните комбинации.
Иако чантите со металик финиш ќе бидат голем хит, тие нема да бидат секојдневен избор за многу дами. Затоа подолу решивме да одбереме повеќе класични модели на чанти, оние за секој ден, кои според модните експерти ќе бидат многу популарни во 2023 година.
Три модели на чанти кои ќе ги носиме на работа во 2023 година:
„Workin’ 9 to 5“ торби
Еден од најпопуларните модели оваа година ќе бидат големите чанти со правилни агли, во стил на актовка, кои се целосно прилагодени на деловните кодекси на облекување.
Но, тоа не значи дека изгледаат досадно. Всушност, тие навистина можат да внесат допир на шик и елеганција во деловните комбинации.
Супер големи чанти
Чантите XXL се суштински дел од многу женски гардероби веќе неколку сезони, а нивната популарност нема да заврши ниту во 2023 година.
Ќе се носат неутрални, едноставни чанти, благодарение на кои секоја комбинација ќе изгледа поскапа.
Чанти украсени со токи
И конечно, последниот модел создаден за одење на работа ќе им се допадне на дамите кои сакаат чанти украсени со детали кои ги прават посебни.
Во 2023 година, тој детал ќе биде токи. Моделите украсени со токи доаѓаат во различни големини, па дури и дамите кои во никој случај не се љубители на големите чанти ќе си го пронајдат својот пат.
