Тешко е да се одолее на трендовите во козметичката индустрија! Но, иако е забавно да се пробаат нови бои на кармин – од длабока бургундска, нежни виолетови тонови или корална, најдовме три бои кои одговараат на речиси секоја жена.
1. Кремаста „nude“ нијанса
Nude или беж кармин со кремаста текстура е одличен „пријател“ за секоја жена. Оваа боја на кармин е одличен избор доколку претпочитате да ги нагласите очите со ајлајнер, маскара и заводливи сенки за да создадете ефект „smokey eyes“.
2. Мат црвена боја
Шминкерите се согласуваат дека најдобро е да се нагласи само еден дел од лицето. Ако сакате да ги истакнете вашите усни – светло црвен кармин е вистинскиот избор. Овој докажан класик е совршен за жени со руса, црвена или црна коса и одлично се вклопува со деловниот и свечениот стајлинг.
3. Сјајна розова
Ако сте тип кој сака природни нијанси на шминка, изберете ги оние во нежни розово-црвени нијанси на овошни бобинки како цреши и јагоди. Нежните бобинки суптилно ги бојат вашите усни, па затоа е одличен избор за „секој ден“ и секојдневни задачи.