Како што добро избраната боја на коса може да нè подмлади и да направи да изгледаме посветли и посвежи, така и погрешната боја може да додаде години.
Фризерката Никол Пети за British Express откри кои бои треба да ги избегнувате доколку сте постари и сакате да изгледате помлади.
Можеби во дваесетите, триесеттите и четириесеттите ви одговарале чоколадни нијанси или црни тонови, но во педесеттите овие бои имаат спротивен ефект, правејќи да изгледате постаро.
Никол ги предупредува жените да не користат темна боја за да ја прикријат седата коса.
– Иако може да изгледа примамливо да се фарбате во темно кафени нијанси или, алтернативно, во црно за да ги прикриете сивите корени на косата, избегнувајте ги овие бои. Ќе направат вашата коса да изгледа мат, ќе ги нагласат расцветаните врвови и ќе ги нагласат брчките на лицето – вели Никол.
Сепак, таа истакнува дека доколку имате природно темна коса, не треба да се грижите ако се одлучите за темни нијанси на кафена или црна боја. Според неа, потемните бои на косата ќе им одговараат на дамите кои имаат потемна боја на кожа, особено ако се постари.
Никол советува темните нијанси на косата да ги „разбиете“ со посветли прамени кои ја рефлектираат светлината.
– Мока, боја на карамела, махагони и бакар создаваат повеќедимензионален ефект кој прави да изгледате помлади – тврди Никол и предлага суптилен балајаж за совршен ефект.