Дождливото и влажно време е најголемиот непријател на совршената фризура. Влагата од воздухот предизвикува разлетување на косата, што ја прави непослушна. Доколку сакате што повеќе да ја заштитите косата од влага, еве пет фризерски совети кои ја штитат вашата коса, а кои ги открива фризерката Николина Перковиќ.
1. Никогаш не заборавајте на регенераторот
Тајната на правата коса е во одржувањето на влажноста. Не заборавајте редовно да нанесувате регенератор за коса, тој е идеален против разлетување.
Регенераторите за коса кои не треба да се исплакнат се најдоброто брзо решение против разлетаната коса, објаснува фризерката Николина од фризерското студио Никас.
Доколку се плашите дека регенераторот ќе ја залепи косата премногу блиску до лицето и со тоа ќе го намали нејзиниот волумен, нанесете го само од средината на косата до врвовите.
2. Исушете ја косата на природен начин
Пред да посегнете по фенот, оставете ја косата барем малку да се исуши на воздух.
Топлиот воздух од машината за сушење значително ја суши косата, а потоа посилно реагира на надворешни дразби како што е голема количина на влага во воздухот, поради што косата многу повеќе се витка, открива Николина.
По миењето, завиткајте ја косата во крпа и оставете го памукот да впие што повеќе влага од косата, а фен користете само за кратко сушење на крај.
3. Користете серум и масла за коса
По миењето на косата нанесете серум или крема за коса богата со масла.
Николина објаснува дека препаратите за нега на коса содржат масла кои создаваат таканаречена заштитна фолија на косата. Овој филм го спречува навлегувањето на влагата и виткањето на косата. Ваквите видови производи се нанесуваат на чиста, измиена коса.
4. Користете спреј против разлетување
Спрејовите се најдоброто решение против влажноста во воздухот, која може да ја расипе секоја фризура во рекордно време.
Овие производи долго време се користат во тропските земји, каде што има големи количини на влага во воздухот во текот на целата година. Спрејовите против разлетување спречуваат навлегување на влага во косата и на тој начин ја штитат од виткање, вели фризерката Николина Перковиќ и објаснува дека спрејот најдобро се нанесува на влажна, измиена коса.
5. Лак за коса како SOS решение
Иако лаковите за коса не се пријател на вашата коса затоа што ја сушат, овој производ за обликување помага и во борбата против разлетувањето предизвикано од влажноста во воздухот.
Лакот на површината на косата создава заштитен слој кој го спречува длабокото навлегување на влагата. На пазарот има и лак за коса со веќе споменатиот ефект против разлетување, кој има уште посилно дејство.