Бојата на косата на Анџелина Џоли подеднакво ќе ја сакаат и девојките со темна, речиси црна коса, како и бринетите кои сакаат поприроден изглед.
Кога станува збор за трендовските бои за коса, се чини дека во последните месеци поголем акцент е ставен на русокосите. Сепак, далеку од фактот дека нема добри решенија и за бринетите и црнките, особено за оние кои не сакаат претерани промени, туку да изгледаат што поприродно.
Па така, Анџелина Џоли дефинитивно повеќе не е бринета. Нејзината темна костенлива коса замина во заборав, а актерката полека, но сигурно се префрла во таборот на русокосите.
Доколку имате потемна коса, а сакате да ја освежите и да и дадете исполнетост и волумен, еден од идеалните начини е да го следите примерот на Џоли, која ја освежи косата со речиси незабележливи прамени кои иако ненаметливи, исто така даваат дополнителна димензија на нејзината фризура, што е особено видливо на црвениот тепих кога најчесто ја носи косата во ниски, опуштени пунџи.
Покрај тоа, Анџелина ја промени и фризурата, не само бојата на косата, па сега носи модерна верзија на степенувањето од деведесетите.
Иако трендот на фризури со слоеви извесно време се изгуби од радарот на фризерите, се чини дека сјајните, степенасти врвови се повторно во мода. Идеалната должина на косата за слоевита фризура е малку под рамената, а долгите странични шишки се само плус.
Актерката изгледа многу помладо и посвежо, со што го потврди непишаното правило на многу фризери и стилисти кои велеа дека жените после 40-тата треба да бираат малку посветли тонови.