Ричард Забер, британски експерт за парфеми тврди дека нашите карактеристики се рефлектираат во аромите што ги сакаме. Всушност, тој вели дека мирисот може да открие многу за нас.
„Еден куп теоретичари и научници открија дека парфемот што го носите кажува многу за тоа каков карактер имате, а јас сум тука да откријам што точно зборува мирисот што го носите за вас“, рече тој.
Сандалово дрво е специфично, исто како и оние што го носат. Ако уживате во оваа арома, веројатно сте успешен кариерист и перфекционист. Мирисите од дрво одразуваат сигурни луѓе на кои другите можат да се потпрат. Тие се исто така вообичаен избор за оние кои сакаат авантура и да бидат на отворено.
Аромите на цитрус најмногу им се допаѓаат на лидерите полни со самодоверба, авторитетни луѓе со изразена амбиција. Ако носите цитрусен парфем, тогаш веројатно сте со силна волја и не земате „не“ за одговор.
Водените, свежи парфеми привлекуваат мирни, ладни, слободоумни луѓе. Тие се обично сонувачи со неисцрпна имагинација.
Слатката ванила е омилениот избор на луѓето кои се се освен ванила! Диви се и во центарот на вниманието на секоја забава.
Ванилата е психоген афродизијак, а љубителите на оваа арома обично се полни со енергија, сакаат да се дружат, да се забавуваат на состаноци и ништо да не сфаќаат премногу сериозно.
Некои кокосови мириси потсетуваат на море, а оние кои не се откажуваат од неговиот мирис во текот на целата година, според Ричард Забер, сакаат да бидат во тренд по секоја цена.
Тие се и чувствителни, не ги прифаќаат добро критиките и не се справуваат добро со нестабилните периоди од животот.
Богатите, тешки, чоколадни и зачинети ароми се совршени за зимата и обично ги избираат жени кои сакаат луксуз и уживање во себе. Полни се со самодоверба, добро се познаваат себеси и никогаш не се воздржуваат. Зграпчуваат се што им нуди животот, го сакаат луксузот и без милост го земаат тоа што го сакаат.