Добро ни се познати многу „валканите“ детали за врските во британското кралско семејство, а сега на површина излегоа и нови.
Откако по крунисувањето на кралот Чарлс III на 6 мај во Лондон, неговиот помлад син принцот Хари не комуницираше ниту со неговиот татко, ниту со неговиот постар брат принцот Вилијам, на сите им беше јасно дека односите во семејството се сè уште лоши.
Принцот Хари, војводата од Сасекс, разговараше само со сестрите на неговиот вујко и со принцезите од Јорк, како и со нивните сопружници, пред да се врати во Америка веднаш по церемонијата.
Поради ова, многумина се убедени дека принцовите никогаш нема да се смират, а тоа го потврдува и извор близок до принцот Вилијам.
Како што истакна пријател на идниот крал за Дејли Бист, Вилијам и неговата сопруга Кејт Мидлтон не сакаат да имаат никаква врска со Хари. Што сакаат од него? Да остане на дистанца, велат упатените.
– Многу е јасно дека Вилијам и Кејт сега се исклучително важни членови на институцијата, а нивниот став за Хари е – колку подалеку, толку подобро – вели изворот. – Да се изразиме вака: мислам дека никој не го почитува Хари доволно за да го покани на крунисувањето на Вилијам.
Изворот додаде дека Вилијам се чувствува изневерен од деталите што Хари ги презентирал за него, пред се во автобиографијата „Резерва“, а луѓето блиски до Чарлс и сопругата на кралот Камила истакнуваат дека кралот може да му пружи рака за помирување на својот син.
– Хари имаше шанса да реши се со кралот, но помина. Секако, Чарлс со раширени раце би го дочекал помирувањето со Хари и Меган, тоа јасно го истакна, а вратата му е секогаш отворена по тоа прашање – истакна близок пријател на семејството.
– Но, сега кога крунисувањето заврши, мислам дека Чарлс сака да се концентрира на својата работа како крал наместо да дозволи драмата на Хари и Меган да му го одвлече вниманието, додаде анонимниот извор.