Прекрстувањето на нозете е навика на многумина, но кога ќе се концентрираме на таа поза, ќе сфатиме дека всушност не е баш удобна. Покрај тоа што нема да ни биде удобно, оваа поза не е добра ниту за нашето здравје.
„Честото вкрстување на нозете предизвикува стрес на зглобовите на колкот и може да предизвика собирање на крвта во нозете кога вените се компресирани“, изјави за ABC кардиологот д-р Стивен Синатра.
Може да предизвика и зголемување на крвниот притисок. Кога ги прекрстувате нозете, го прекинувате протокот на крв во остатокот од вашите екстремитети, што може да предизвика привремени скокови на крвниот притисок. Иако прекрстувањето на нозете на коленото доведува до значително зголемување на крвниот притисок, кога нозете се прекрстени во зглобот, крвниот притисок не се зголемува. Хипертензијата предизвикана од прекрстени нозе е минлива, па исчезнува кога нозете ви се непрекрстени. Меѓутоа, ако имате висок крвен притисок, подобро е да седите со исправени нозе отколку со прекрстени нозе.
Иако често се мисли дека прекрстувањето на нозете предизвикува проширени вени, тоа всушност не е точно. Според Healthline, постои голема генетска компонента за добивање на проширени вени, а долгото стоење или седење може да доведе до проширени вени, без разлика дали вашите нозе се прекрстени или не.
Сепак, едно нешто што секако може да го направи седењето со скрстени нозе е да предизвика погрешно усогласување на ‘рбетот, поради ротацијата на карлицата под агол. Резултатот е болка во грбот и лошо држење на телото, пишува The List.