Топлата вода го забрзува метаболизмот и спречува надуеност
Начинот на кој го започнуваме денот е доста важен, па затоа е важно да усвоиме некои ритуали кои ќе ја подобрат целата состојба на организмот. Вистина е дека пиењето чаша млака вода наутро нема да го намали бројот на вагата кога ќе се мерите, но овој ритуал го забрзува метаболизмот.
– Конзумирањето топла вода дополнително го чисти дигестивниот систем и спречува надуеност, а помага и за излачување на вишокот течности во организмот – тврдат нутриционистите.
Помага при инфекции на респираторниот тракт
Ако имате инфекција на грлото и синусите, практикувајте да пиете чаша млака вода наутро.
– Ако имате затнат нос, помага да се исчистат и отворат дишните патишта бидејќи топлината побрзо ќе ја исчисти слузта. Температурата на течноста што ја пиеме може да влијае и на симптомите на настинка – вели д-р Несочи Океке-Игбокве
Влијае на здравјето на забите
Дека чаша млака вода на празен стомак влијае на здравјето на забите е помалку познато, но експертите укажуваат дека тоа е одличен ритуал.
– Поради студената вода може некои бели пломби да се стегнат и на тој начин да се одвојат од забите – вели докторката и предупредува да се уверите дека водата не е премногу топла. Се препорачува да биде на собна температура.
Го стимулира варењето
Топлата вода го стимулира протокот на крв во цревата и го подобрува варењето.
Таа додава дека за разлика од студената вода, топлата вода побрзо хидрира. Во комбинација со храната побрзо ги раствора мастите, кои поради тоа полесно се варат.
Ги намалува болките
Топлата вода го поттикнува протокот на крв во ткивата и овозможува релаксација на мускулите, што влијае на намалување на болката.
– Помага при секакви болки, од менструални грчеви до болки во зглобовите. Освен тоа, ако пиете топла вода пред спиење, побрзо ќе заспиете и подолго ќе бидете сити, па нема да се будите навечер за храна. И кога ќе се разбудите, ќе бидете свежи – вели докторката.