Американската актерка Клои Чери се прослави со улогата на Феј во телевизиската серија „Еуфорија“, а пред да започне конвенционална актерска кариера, сними повеќе од двесте филмови за возрасни под уметничкото име Chloe Couture. Покрај актерската кариера, таа работи и како модел, а бидејќи во јануари минатата година потпиша договор со британската агенција Anti-Agency London, таа е редовна гостинка на Модните недели во светските метрополи – Лондон, Париз, Милано и Њујорк, каде минатата година учествуваше на ревија на иконската њујоршка мода од дизајнерот ЛаКуан Смит.
Кога не е на ревиите, таа редовно се наоѓа во првиот ред на претставувањето на новите колекции на Версаче, Сен Лоран и други модни гиганти, а деновиве е во центарот на медиумското внимание поради бизарната приказна за наводната кражба на блуза во трговскиот центар Building Character во Ланкастер, Пенсилванија.
Зошто актерка и манекенка која може да избере која марка да носи би посегнала по блуза од 28 долари и би ја украла додека плаќала со кредитна картичка за сета друга облека што и се допаѓа? Според инсајдерски информации, инцидентот се случил во декември минатата година, а Клои Чери наводно ја вратила блузата откако обезбедувањето повикало полиција.
„Тоа нема апсолутно никаква врска со вистината, бидејќи тоа е грешка и грешка на продавачот кој не ѝ наплатил на Клои парче облека од нејзината количка. Во моментов немаме информации зошто се случило тоа, но нашата клиентка е подготвена во секој случај да соработува со сите авторитети.Нејзиното мислење од друга страна е дека продавницата се рекламира на сметка на нејзиното име со таа приказна и се обидува да капитализира од фактот дека Клои купувала од нив“, се вели во соопштението на ПР тимот на актерката, кое го пренесе американскиот портал ТМЗ.
Што воопшто правела таму, многумина се прашуваат, заборавајќи дека Клои Чери пораснала во тој град, средина која таа ја нарече многу конзервативна, немотивирачка и досадна. Таа едвај чекала да побегне од Ланкастер, што и го направила веднаш штом го прославила својот осумнаесетти роденден. Таа се преселила на југ, во Мајами, Флорида, каде што започнала кариера во аматерски филмови за возрасни, а потоа пристигнала во Лос Анџелес. Улогата во „Еуфорија“ ја доби благодарение на порнографската пародија на серијата во која ја толкуваше улогата на Жил Вон.
Креативниот продуцент на серијата, Сем Левинсон, го видел ова дело и ја испратил Клои на аудиција за улогата на Ами, ликот на зависничката од стрипови, која подоцна била преименувана во Феј. Клои го воодушеви Левинсон со смислата за хумор, а улогата се покажа како 100% хит, па и критичарите и публиката ја прогласија за актерско откритие на годината.