Дали веќе го гледавте филмот „Сам дома“ оваа година? Омилениот прв филм на многумина за божиќните авантури на Кевин Мекалистер и неговото семејство подеднакво го прослави актерот Маколеј Калкин, но и куќата – култен објект во Винетка, недалеку од Чикаго, каде што се одвива дејството на првиот дел.
Куќата се користеше поради циглите со кои беше обложена однадвор, а не воодушеви и поради нејзиниот џорџијански стил. Сите надворешни сцени беа снимени околу куќата, додека за внатрешните кадри требаше да користат сет изграден во спортската сала во напуштено училиште. Меѓутоа, од внатрешноста користена е и дневната соба и големото скалило во ходникот, каде е снимена легендарната сцена во која Кевин се спушта по скалите на санки и брза надвор од влезната врата.
Куќата има 10 спални соби и шест бањи, а како навистина изгледа кога во неа не се снима холивудски филм, фановите можеа да видат во 2011 година кога семејството Абендшиен одлучи да ја продаде за 2,4 милиони долари или 800 илјади повеќе од тоа што платиле во 1998 година. Таа година, агентот за недвижности Мариса Хопкинс објави видео на YouTube во кое покажа како изгледа куќата. Тогаш куќата беше продадена за 1,6 милиони долари, далеку под првичната барана цена, но денес нејзината вредност се проценува на 2,3 милиони.
Куќата, иако е во приватна сопственост, сепак ја посетуваат обожавателите, а особено е „зафатена“ за време на божиќните празници кога многумина се сеќаваат на хит филмот и сакаат во живо да ја гледаат куќата во која малиот Кевин, кој остана сам дома, се бранеше од опасните крадци. Сепак, пред две години најголемите фанови имаа можност да поминат еден ден во куќата на МекКалистер преку понудата на Airbnb, која израдува многумина. За таа прилика куќата беше уредена како што беше за време на снимањето на хит филмот. Погледнете ги фотографиите!
