Овој месец се носат најтешките одлуки
Иако звучи чудно што разводите можат да се поврзат со месеците во годината, статистиката покажува дека постои поврзаност меѓу нив и тоа како.
Можеби не сте размислувале за тоа, но празничната сезона може да влијае на вашето размислување, што ќе ве поттикне да го преиспитате односот со вашиот сопружник, но и да ги одложите тие одлуки за подоцна.
Врз основа на анализите, експертите откриле дека најголем број разводи се случуваат во текот на јануари, но и зошто е тоа така.
Тие заклучиле дека тоа е така затоа што луѓето избегнуваат да покренуваат болни теми и да носат големи одлуки за време на празниците.
Луѓето се занесуваат од празничната еуфорија и потоа ги оставаат сите проблеми во бракот и семејството за подоцна, а кога ќе дојде јануари, полека на површина излегува сето она што ги депримирало за време на празниците.
– Празниците се период кога емоциите се издигнуваат на повисоко ниво, па ако сте несреќни во бракот или сте му лути на партнерот, овој период може да биде пресвртница – вели адвокатот за разводи Џејм Гроза.
Од друга страна, многу луѓе во декември стануваат маѓепсани од украсите, светлата, потпаѓаат под влијание на прекрасната, магична празнична музика, толку многу што веруваат дека сè може да се сврти и да оди на подобро. За жал, штом поминат празниците, дознаваат дека биле во право и пред празниците.