Еми Росум, ѕвездата на американската серија „Shameless“, толку добро го крие својот приватен живот што и медиумите и нејзините обожаватели беа изненадени кога на социјалните мрежи објави дека родила син. Тоа е второ дете на познатата актерка со нејзиниот сопруг, продуцентот Сем Есмаил. Парот ја има двегодишната ќерка Саманта, чие раѓање исто така успеале да го чуваат во тајност, а семејните фотографии речиси никогаш не ги објавуваат. Синот го роди на 5 април, а радосната вест ја објави на Инстаграм заедно со отпечатокот на ногата на новороденчето заедно со времето на раѓање, тежината и висината.
Актерката и продуцентот се запознале на снимањето на филмот Comet, а Есмаил ја запросил во 2015 година, по две години врска. Тие се венчаа во 2017 година на интимна церемонија во Централната синагога во Њујорк, по што следеше раскошен прием во музејот Гугенхајм. Пред Есмаил, актерката беше накратко во брак со музичкиот продуцент Џастин Сигел, со кој се омажи во тајност.
Еми Росум докажа дека е една од актерските диви која е највешта во криењето на приватниот живот, па иако многу нејзини колешки ја нудат својата интимност на јавноста на тацна, актерката има голема поддршка од сите нејзини фанови бидејќи таа јасно ја дефинирала границата меѓу јавното и приватното. “Ми се допаѓа што ја чувате својата приватност толку добро. Тоа е толку освежувачко. Уживајте во секој момент со вашето растечко семејство”, ѝ рекол еден од нејзините обожаватели.
