Американскиот актер Џејми Фокс веќе некое време е во болница, а неговата здравствена состојба се влошува.
Како што пренесуваат медиумите, според изјавата на извор близок до актерот, Фокс неодамна морал да биде реанимиран за време на престојот во болница, а лекарите рекле дека тој треба да биде среќен што воопшто е жив.
„Џејми доживеа сериозна медицинска ‘епизода’ и му требаше итно лекување. Не беше добро со денови и мораше да се реанимира и среќен е што е жив. Многу е среќен што се лекува. Џејми боледува од висок крвен притисок, за кој лекарите велат дека може да предизвика мозочен удар“, објаснил изворот.
Откриено е дека стресот што го чувствувал во деновите пред инцидентот имал директно влијание врз неговиот здравствен проблем. Со оглед на тоа колку стана комплицирана продукцијата на неговиот филм за Нетфликс во Велика Британија, Фокс на крајот подлегна на притисокот и неговиот мозок едноставно не можел повеќе да издржи.
За потсетување, Џејми Фокс моментално работи на филмот „Back in action“, а освен што е продуцент на овој филм, тој и глуми во него. Медиумите претходно објавија дека тој имал неколку инциденти на сетот поради кои дошол во конфликт со актерката Камерон Дијаз, по што наводно му се влошила здравствената состојба.