Познатите актери Џенифер Лопез и Бен Афлек дефинитивно се едни од омилените парови во светот на шоубизот.
И нивната приказна трае многу, многу долго. Се разбира, со прекини. По снимањето на филмот „Џигли“, пред нешто повеќе од две децении, во 2002 година, влегоа во својата прва романса.
Тие веднаш станаа тема број еден во сите таблоиди. Во тоа време, Џеј Ло сè уште беше во брак со нејзиниот втор сопруг, Крис Џад.
Откако таа официјално се разведе, тие ја обелоденија својата врска и го добија прекарот Бенифер. Траеја околу две години, по што раскинаа.
Во меѓувреме имаа и други партнери, добија деца, за да сфатат дека повторно се сакаат во 2021 година.
За нивната гала венчавка и големата прослава минатата година пишуваше целиот свет.
И сега, само околу една година по венчавката, донесоа изненадувачка одлука.
Лопез и Афлек летово ќе ги обноват свадбените завети со голема прослава во нивната нова вила вредна 60 милиони долари.
Сите се изненадени од оваа одлука бидејќи не е вообичаено да се обновуваат заветите само една година по венчавката. Но, можеби сфатиле дека толку многу се сакаат, па планираат повторно да го кажат тоа познато ДА.
– Џен и Бен се позаљубени од било кога и оваа година од нивниот брак беше, со еден збор, спектакуларна. На сите нивни деца им оди одлично, семејствата се хармонични. И двајцата сакаат да ги обноват заветите и да покажат колку се вљубени еден во друг. Оваа втора шанса не ја земаат здраво за готово – изјавил еден извор за Дејли Мејл.
Истиот извор изјавил дека дуото Бенифер „има намера да ја слави својата љубов во секое време, без разлика дали тоа им се допаѓа на луѓето или не“, бидејќи конечно ја имаат „врската што отсекогаш ја посакувале“. Бен и Џеј Ло сè уште не ги коментирале овие извештаи.