Деп се појави на Канскиот филмски фестивал еден ден по премиерата на неговиот прв филм по три години, „Jeanne du Barry“, во кој го игра кралот Луј XV.
Актерот Џони Деп денеска во Кан изјави дека Холивуд повеќе не му треба.
Од Деп беше побарано да се повлече од франшизата „Фантастични ѕверови“ поради наводите за наводно злоставување на неговата поранешна сопруга, а сега изјави дека не е заинтересиран да се врати во студиски проекти откако беше бојкотиран од Холивуд.
Деп се појави на Канскиот филмски фестивал еден ден по премиерата на неговиот прв филм по три години, „Jeanne du Barry“, во кој го игра кралот Луј XV, објави „АП“.
Ова е првиот филм на Деп откако поротата во голема мера застана на негова страна во неговата правна битка со поранешната сопруга Амбер Херд минатата година.
Дел од аргументите на Деп во тој судски процес за клевета во 2022 година беше дека тој ја изгубил работата поради наводите на неговата поранешна сопруга дека ја злоставувал пред и за време на нивниот краток брак, а Херд доби наредба да му плати на Деп оштета од 10 милиони долари.
„Jeanne du Barry“ почна да се прикажува во вторникот во француските кина, а сè уште не е дистрибуиран во САД.