Во одреден момент, без оглед на обликот на очите, очните капаци и подочниците ќе почнат да паѓаат
Кожата со текот на времето ги губи колагенот и еластинот, а бидејќи кожата околу очите е најтенкиот и најкревкиот дел од целото лице, овие промени прво може да ги забележите во таа област.
Сепак, овие промени можете да ги надоместите со минимална шминка, а шминкерката Жанин Лобел открива како да ги „подигнете“ очите за блескав и младешки изглед.
Користете сенка во ваша корист
Ќе се изненадите колку голема разлика може да направи една сенка.
– Препорачувам да користите природна мат сенка за очи. Направете мини крило во надворешниот агол на окото без да користите молив – открива шминкерката за „Mind Body Green“.
Забавувајте се со сјајот и бојата
– Малку светки во внатрешниот агол на окото во комбинација со молив во светли тонови на водената линија. Ова може да ги отвори очите и да направи да изгледаат будно. Бледо сино моливче може да обезбеди и убав контраст на водената линија на окото, сличен на белиот ајлајнер, правејќи очите да изгледаат посветло.