Ако сакате вашата облека подолго да изгледа како нова, важно е да знаете како правилно да ја перете. Излегува дека одвојувањето светла и темна облека за перењето можеби не е доволно.
За среќа, експертите за домашни апарати во „Repair Aid“ открија три трикови кои секој треба да ги знае за да го продолжи животниот век на нивната омилена облека и да ја одржува подолго чиста, пишува „The Sun“.
Измијте ги чувствителните алишта одделно
Сите знаеме дека треба да ги переме долната облека и градниците одделно од останатата облека, но многу луѓе на крајот ја ставаат целата облека во машина за да заштедат време. Долна облека од чипка, свилени материјали, па дури и волна и кашмир треба да се перат со слични парчиња облека за да се спречи нивното растегнување, кинење или уништување. Повеќето машини за перење веќе имаат вградена опција за „чувствителен“ циклус, но ако немаат, поставете ја машината на околу 30 степени при бавно центрифугирање. „Ако не го направите ова, немојте да се изненадите ако вашата друга, погруба облека има лошо влијание врз вашата чувствителна облека со текот на времето“, велат експертите.
Повалканата облека исперете ја сама
Ако имате облека што е значително повалкана од остатокот од вашите алишта, размислете да ги перете одделно или рачно за да избегнете пренесување дамки. Можете исто така да ги отстраните дамките пред миење за да го избегнете овој проблем. Професионалците објаснија: „Задолжително следете ги упатствата и потоа оставете ги извалканите алишта да се киснат еден ден во мијалник или пластичен лавор. Кога тоа е готово, ставете ги во машина за перење на циклус со малку повисока температура“.
Правилнмо одделете ги боите
Една од главните грешки што луѓето ја прават при перењето на облеката е тоа што не ја одвојуваат темнината од светлината. Запомнете дека е потребен само еден црвен чорап за да ги претворите сите ваши бели кошули во розови. Ризикот од тоа да се случи е поголем кај алиштата што не се претходно испрани, бидејќи темната боја може повеќе да пушти. Така, иако е препорачливо светлите и темните бои постојано да се одвоени, тоа е најважно со новите предмети. Светлите бои како жолта, светло сина и портокалова не треба да се мијат со нешто што е темно сино, црвено или виолетово, на пример. Во машината можете да додадете и марамчиња за апсорпција на боја за да спречите мешање на боите за време на перењето, пренесува „Вечерњи лист“.