Доколку сте го гледале филмот „Scarface“ со познатиот Ал Пачино во улогата на Тони Монтана, сигурно сте ја забележале убавата Мишел Фајфер во улогата на Елвира Хенкок. Таа го привлекува вниманието на филмските гангстери, особено на Тони Монтана, кој не остана имун на нејзината убавина и шарм.
Кога ја играше улогата на Елвира, Мишел имаше само 25 години, а 40 години подоцна, односно од 1983 година до денес, се памети нејзиниот легендарен филмски фустан за заводнички.
Синиот, свилен фустан кој ги маѓепса и Монтана и сите гледачи на овој филм брзо стана иконски, иако можеби немаше да беше тоа што е доколку не го носеше Мишел Фајфер.
Женствената и гламурозна креација со длабоко деколте украсено со лажни дијаманти, ефективен отворен грб и шлиц до бутовите не остави никого рамнодушен, а за неа беше задолжена Патриша Норис, која го избра секој детал за да одговара на ликот на Елвира.
Фустанот беше инспириран од холивудскиот гламур од триесетите, односно стилот на Џин Харлоу, а минимализмот на фустанот всушност придонесе за зголемена сексипилност, бидејќи секој детал беше толку внимателно избран.
Друг фустан можеби не би го истакнал шармот на Елвира како оваа едноставна, но заводлива креација. Интересно е што минимализмот на тој фустан е во контраст со светлите аутфити на Тони Монтана. Сепак, таа остана незаборавна.
Толку е ефикасен што многу познати дами денес го пресоздаваат во свои верзии, од Ријана до Бела Хадид!