Модните трендови се менуваат, па она што некогаш беше незамисливо денес е модерно и прифатливо. Тренерката која се комбинира со високи потпетици и капути стана апсолутен хит оваа зима.
Многу жени, пред сè, се повеќе се трудат гардеробата во која го поминуваат денот да ја направат удобна и пријатна, па често посегнуваат по некои поелегантни модели на тренерки кои ќе ги заменат класичните панталони.
Ви пренесуваме пет идеи како можете да изгледате елегантно и привлечно во тренерка.
1. Тренерки во нежни бои
Со долг црн капут одлично прилега тренерка во нежни бои што „брише“ години.
2. Спортска зимска варијанта
Урбаниот стил за зима ни носи креации од топли тонови како хибрид од портокалова и кафена. Во комбинација со рамни, спортски, длабоки чевли со врвки, капа и црна зимска јакна со пердуви, е одличен избор за одење по снег.
3. Со кожна јакна
Моден хит оваа сезона се тренерките во беж боја кои се комбинирани со мали шешири со краток обод и кожна јакна.
4. Со потпетици
И познатите модни брендови имаат свои креации за овој моден тренд и предлог како да искомбинирате тренерка со чевли со тенки потпетици.
5. Тренерки за излегување
Овој модел на тренерки може да „помине“ дури и како комбинација за вечерно излегување, со кратка црна јакна од вештачко крзно и салонки. Бидете храбри!