Губењето вишок килограми не е воопшто лесно. Неопходно е да се промени начинот на исхрана, да се вклучи вежбање, да се одржи мотивацијата и да се биде упорен и доследен додека бројот на вагата не ја покаже саканата тежина.
Без разлика дали штотуку сте започнале нови, здрави навики или сте биле во процес на топење на вишокот маснотии некое време, постојат одредени навики кои треба да ги избегнувате по секоја цена.
Всушност, никогаш нема да се ослободите од вишокот килограми доколку ги задржите, пренесува „Newsbeast“.
1. Јадете несвесно или постојано грицкате
Брзата храна и грицките се одлични саботери на патот кон фит линија. Ако не го следите внесот на калории, тоа може да доведе до прејадување.
– Без разлика дали некои грицки се класифицирани како здрава храна или не, премногу внесување може да биде проблематично – вели личниот тренер Викторија Брејди.
– Треба да ги контролирате порциите за да можете да следите колку калории внесувате во текот на денот и да го минимизирате прејадувањето.
2. Прескокнување оброци
Иако често се слуша дека наизменичното постење е добро, Брејди верува дека прескокнувањето на оброците го става телото во „режим на преживување“.
– Покрај тоа, поголема е веројатноста да изберете погрешна храна бидејќи сте гладни. И кој е најбрзиот начин да ја добиете потребната енергија што сте ја ускратиле на вашето тело затоа што сте прескокнале оброк? Со одење во ресторан за брза храна или нарачување оброк преку достава – вели Викторија.
3. Не внимавате што пиете
Луѓето кои се на диета забораваат дека и пијалоците кои ги консумираат имаат одреден број калории, освен вода.
– Многу луѓе не сфаќаат колку се калорични одредени пијалоци, бидејќи содржат шеќер или замени за шеќер за да имаат подобар вкус. Премногу шеќер може да доведе до дебелеење, а ако шеќерот доаѓа од алкохолот, го успорува метаболизмот – вели Брејди.
4. Не спиете доволно
Не ја потценувајте моќта на добар ноќен одмор после тренинг. Голем број од оние кои се на рестриктивна диета го занемаруваат квалитетниот сон, без да сфатат дека си прават „лоша услуга“.
– Вашето тело тогаш нема шанси да се опорави, хормоналната рамнотежа е нарушена, а апетитот се зголемува, бидејќи телото има тенденција да копнее за јаглехидрати и висококалорична храна кога е гладна – вели Викторија.
5. Дајте приоритет на вежбањето
Многу фитнес инструктори наведуваат дека мускулите се градат во кујната, а не во теретана. Но, тоа не значи дека треба да ја занемарите физичката активност – напротив.
– Вежбањето е клучно во процесот на слабеење, но треба да има рамнотежа меѓу тренинзите и исхраната – потсетува Викторија и додава:
– Ако вашата исхрана не е избалансирана, нема да имате сила да вежбате. Исто така, без разлика колку долго и напорно вежбате, нема да можете да ослабете доколку не сте во калориски дефицит. Треба да согорите повеќе калории отколку што внесувате.