ВИЕ СТЕ ЧИСТИ, НО БАКТЕРИИТЕ СЕ МНОЖАТ: Има правило колку пати можете да го користите пешкирот пред да треба да се пере

Дали сте од оние луѓе кои го фрлаат пешкирот за перење по првата употреба или го користите неколку пати додека не почне да мириса?

Во суштина, јасно е дека не излегувате од туш кабината валкани, а бришењето со пешкир после туширање не го валка. Можеби има некои бактерии на кожата кои се лепат на него, но тие се занемарливи. Единствено важно е веднаш потоа да го закачите да се исуши, бидејќи ако остане згужван и влажен со денови, ќе се појави тој непријатен мирис.

Сепак, тоа не значи дека треба да го користите на неодредено време. Правилото е дека можете да го користите вашиот пешкир три до четири пати. После тоа, би било добро да го смените, бидејќи секогаш кога ќе се навлажни, бактериите на него добиваат идеална можност да се шират и да се размножат. По некое време пешкирот станува прилично валкан.