Со неколку добри навики, лесно можете да го намалите холестеролот.
Еве што можете да направите за да го намалите холестеролот природно.
1. Избегнувајте транс масти
Транс мастите, познати и како „хидрогенизирани масла“ не се добри за здравјето.
Транс мастите им помагаат на производите да траат подолго и се вообичаени во многу преработена храна, а исто така се присутни во многу печива кои користат маргарин.
Тие придонесуваат за подигнување на нивото на лошиот ЛДЛ холестерол и истовремено намалување на нивото на добриот ХДЛ холестерол.
2. Јадете пилешко и риба
Многу црвено месо е богато со заситени масти, што може да го зголеми лошиот ЛДЛ холестерол.
За здрава алтернатива, почесто избирајте пилешко без кожа или мисирка без кожа и избегнувајте преработки од месо. Вклучете повеќе риба во вашата исхрана.
Рибата е ниска со заситени масти, а многу видови содржат омега-3 масни киселини кои се корисни за здравјето на срцето и можат да го зголемат нивото на добриот ХДЛ холестерол.
Вклучете во вашата исхрана слатководна риба како харинга и пастрмка, риба,туна во филети.
3. Диететските влакна
Диететските влакна не се само добри за варење, туку помагаат да се изгради вашето кардиоваскуларно здравје.
Храната богата со растворливи влакна вклучува овес, јачмен, киноа, интегрален леб, грав, леќа, наут.
Секогаш кога можете, обидете се да набавите свежи, необработени состојки.
4. Не ja пржете храната
Првенствено варете, печете на хартија за печење.Ова се подобри начини на подготовка од пржењето.
Исто така, обидете се барем еднаш да имате главен оброк без месо, врз основа на зеленчук и овошје.
5. Воведете физичка активност
Одржувајќи го вашето тело активно, му помагате добро да функционира.
Исто така, го зголемува добриот ХДЛ холестерол, нивото на крвниот притисок и носи многу други придобивки за срцето.
Не мора нужно да одите во теретана или фитнес центар, и пешачењето е одлично, но нека биде редовно.
На крајот на краиштата, најдобрата активност за здравјето на срцето е онаа што ја правите редовно.