Полна вода и здравствени придобивки, едно големо парче лубеница има и до 20 грама шеќер. Ова нема да одговара за секого, затоа обидете се да ги дозирате количините
Хроничните болести можат да донесат сосема нов збир на проблеми во лето кога температурите се повисоки и нашиот живот е малку исфрлен од рутина. Дијабетесот секако е меѓу нив.
Ако кетоните не се препознаат кај пациенти со дијабетес тип 1, може да се појави дијабетична кетоацидоза, компликација која може да напредува до едем на мозокот, кома и на крајот смрт.
Затоа, златното правило за лето и за лицата со дијабетес е многу хидратација, а во случај на висока гликемија, мерете ги и кетоните, седнете или легнете, постепено хидратирајте и мерете ја гликемијата на секои 2-3 часа до закрепнување.
Предности и недостатоци на лубеницата
Во текот на летото повеќе се приклонуваме кон овошјето, а лубеницата изгледа како добра идеја за дополнителна хидратација. Сепак, иако се состои од 92 отсто вода, едно парче може да содржи од 15 до 20 грама шеќер.
Лубеницата е добра за регулирање на варењето, детоксикација на телото и подобра контрола на крвниот притисок. Таа е одличен извор на витамини и минерали, вклучувајќи ги витамините А, Ц, Б6, калиум, магнезиум, железо, калциум и растителни влакна. Сепак, препораките се малку различни за дијабетичарите, особено за луѓето со дијабетес тип 2.
Ако го погледнете гликемискиот индекс (GI), параметар кој покажува колку брзо шеќерот од храната влегува во крвотокот, лубеницата е на 72, а се што е над 70 се смета за високо. Сепак, гликемиското оптоварување (GO), кое е пореално и поприменливо од GI бидејќи ја зема предвид количината на јаглехидрати што се консумираат, помага да се спречи целосно исфрлање на лубеницата од исхраната на дијабетичарите.
Имено, GO на лубеницата е само 5, а сè под 10 се смета за ниско. Тоа значи дека дијабетичарите можат да јадат лубеница, но умерено. Не повеќе од парче на ден. Исто така, треба да избегнувате да јадете лубеница со друга храна која има висок гликемиски индекс.
Најпогодни овошја за лица со дијабетес се оние со низок GI, имено сливи, грејпфрут, праски, кајсии, круши, киви и бобинки.