Некои намирници побрзо се расипуваат ако ги чуваме во кујнски кабинети на собна температура. Други имаат значително подолг рок на траење доколку се чуваат во фрижидер. Еве која храна треба да ја ставите во фрижидер (и замрзнувач).
Брашно
Иако обично го чуваме во оставата, брашното треба да се чува во замрзнувач 48 часа по купувањето за да се уништат сите можни јајца од штетници во него. После тоа, брашното треба да се чува во чиста, сува и херметички затворена кутија на темно и ладно место. Ако ја оставите кутијата во фрижидер, ќе и го продолжите рокот на траење.
Некои видови масло
Маслата за јадење треба да се чуваат на ладни и темни места, односно подалеку од извори на топлина и светлина. И додека ништо нема да се случи ако чувате класични растителни масла од сончоглед или маслиново во оставата, во фрижидер треба да чувате поосетливи масла, како што се оние од авокадо, семки од грозје, лешник, сусам или тартуфи. Пожелно е истите масла по отворањето да ги ставите во фрижидер, бидејќи така ќе го продолжите рокот на траење на овие намирници.
Сушено овошје
Истражувањата покажаа дека сувото овошје како суво грозје, праски или сливи имаат рок на траење од шест месеци до една година. Овој рок се удвојува доколку ги чувате во фрижидер.
Семе од лен и коноп
Семето од лен и коноп е одличен (растителен) извор на омега-3 масни киселини, кои се на менито на луѓето кои не консумираат храна од животинско потекло. Станува збор за храна која е предмет на брзо расипување. Токму затоа треба да ги чувате во фрижидер.
Тортиљи
Купените тортиљи можете да ги чувате на собна температура и да ги користите до датумот наведен на пакувањето. Меѓутоа, тоа време се зголемува тројно ако ги чувате во фрижидер.