Одржувањето на когнитивното здравје е многу важно, особено како што старееме. Иако многу фактори придонесуваат за здравјето на мозокот, исхраната игра значајна улога во подобрување на когнитивната функција и одложување на когнитивниот пад.
Според здравствените експерти, вклучувањето одредени намирници кои го поттикнуваат мозокот во вашата секојдневна исхрана е една од најдобрите стратегии за поддршка на долгорочното когнитивно здравје.
Д-р Ерик Наткин, открива какво влијание може да има диетата врз здравјето на мозокот. Тој истакна три клучни видови храна кои треба да бидат дел од нашата секојдневна исхрана за да го одржиме мозокот здрав, да ја подобриме концентрацијата и да го одложиме когнитивниот пад. Еве што тој издвои.
- Омега-3 масни киселини
Омега-3 масните киселини се неопходни за здравјето на мозокот, играат клучна улога во намалувањето на воспалението и ја поддржуваат структурата и функцијата на мозочните клетки.
„Тие се наоѓаат во масните риби, како лососот, семките чиа и оревите. Овие масти помагаат во намалување на воспалението и ја поддржуваат структурата и функцијата на мозочните клетки“, објаснува д-р Наткин за SheFinds. Така, додавањето на овие извори на омега-3 во исхраната може да обезбеди значителни придобивки за здравјето на мозокот.
- Храна богата со антиоксиданси
Антиоксидансите се од витално значење за борба против оксидативниот стрес и воспалението, што може да ги оштети мозочните клетки и да ја наруши когнитивната функција. „Овошјето како боровинки и зеленчукот како кељот се богати со витамини Ц и Е, кои се борат против оксидативниот стрес и воспалението“, вели д-р Наткин.
Овие антиоксиданси ги штитат мозочните клетки од оштетување и ги подобруваат когнитивните функции. Вклучувањето на разновидни разнобојни овошја и зеленчук во вашата исхрана гарантира дека ги добивате основните хранливи материи, поддржувајќи го целокупното здравје на мозокот.
- Ферментирана храна и пробиотици
Здравјето на цревата и мозокот се поврзани, посочува докторката. „Ферментираната храна како јогурт и кимчи, заедно со пробиотските додатоци, може да го подобрат здравјето на цревата“, рече тој. Здравите цревни бактерии можат да влијаат на производството на невротрансмитери, да го намалат воспалението и да ја подобрат когнитивната функција.
Пробиотиците можат да помогнат во одржувањето на таа рамнотежа, без непријатниот вкус што некои ферментирани намирници можат да го имаат кај некои луѓе. Со поддршка на здравјето на цревата, можеме позитивно да влијаеме на здравјето на нашиот мозок.