Уредните и убаво обоени нокти се нешто што секогаш сакаме да го имаме. И додека дури и во светот на маникирот има трендови кои доаѓаат и си одат, постојат и оние безвременски нијанси на лакови, маникири кои секогаш изгледаат елегантно.
Станува збор за класични нијанси кои никогаш не излегуваат од мода и се одличен додаток на секој моден стил и комбинација.
Доколку барате нов омилен маникир, а во исто време сте љубител на елеганцијата на вашите нокти, подолу одбравме седум опции кои никогаш нема да ве разочараат и кои никогаш нема да ви здодеат.
1. Црн маникир
Црните нокти се секогаш во мода, а особено стануваат популарни во постудениот дел од годината. Доаѓањето на есента е идеална причина да се вратите на истовремено моќниот и елегантен црн маникир.
2. Екру маникир
Иако се особено популарни во лето, неутралните екру нокти се одличен избор за тело во текот на целата година, особено ако сакате посветли бои на вашите нокти.
3. Речиси проѕирен розов маникир
Розовата, која едвај се забележува, но ја има, е еден од омилените маникири на многу дами. Благодарение на неа, ноктите изгледаат толку убаво, чисто и елегантно.
4. Маникир во бордо боја
Бордо маникир е безвременска опција која оди со секој аутфит, а особено е популарен во есенските и зимските денови.
5. Сив маникир
Ова е идеална опција за секој кој не сака драматични опции како црни маникир. Сивата боја е одлична алтернатива за секој кој сака помек изглед.
6. Чоколаден маникир
Покрај тоа што богатите чоколадни тонови секогаш изгледаат прекрасно и многу дами со задоволство им се враќаат, оваа есен како голем тренд се најавуваат и кафените маникири, дури и повеќе од вообичаеното.
7. Класичен црвен маникир
Ако не сте сигурни која нијанса да ја изберете, црвената е секогаш добра опција. Тоа е класика која одлично ќе оди со речиси секоја комбинација и од која никогаш нема да ни здосади.
